Kafshët ndihen të kënaqura te HiPP bio fermerët. Metoda e kultivimit të drejtë dhe të ushqyerit me varietete të përshtatshme për kafshët e fermave, janë faktorët kryesorë të bujqësisë organike. Rregullat ligjore janë veçanërisht të rrepta: Ushqimi duhet të vije nga Bio fermat dhe nuk guxon të përmbajë asnjë antibiotik, përmirësues të performancës ose lëndë të parë të modifikuar gjenetikisht. Përveç kësaj, kujdesi për zgjedhje të përshtatshme të racës, shumë hapësirë të lirë për lëvizje, stalla të mëdha dhe dritë e mjaftueshme e sigurojnë shëndetin e kafshëve.

HiPP shkon përtej rregullave të parapara me ligj dhe në udhëzimet e veta ka paraparë rregulla për bio prodhuesit dhe bio furnizuesit. Punonjësit e HiPP-it, kontrollojnë rregullisht në vendin e prodhimit se a janë përmbushur të gjitha kërkesat e përcaktuara nga HiPP-i dhe rregullat që kanë të bëjnë me mirëqenien e kafshëve. Me këtë kontroll gjithëpërfshirëse të procesit, ne ju garantojmë konsumatorëve tanë se zbatohen parimet e bio kultivimit, të përshtatshme për llojet, sepse mirëqenia e kafshëve është e rëndësishme për ne.

A e dini se vetëm toka e shëndetshme prodhon ushqim të shëndetshëm?

Para se një fushë të bëhet fushë e HiPP Bio, një nga ekspertët tanë e kontrollon tokën duke marrë disa mostra për fushën, të cilat më pas ekzaminohen në laborator. Fusha mund të jetë e përshtatshme për kultivimin bio të HiPP-it, vetëm nëse toka i plotëson kërkesat tona të rrepta. Fushat e hapura të cilat i rrah era, sigurojnë që dëmtuesit të largohen nga era, dhe në sajë të bimëve të ndryshme në skajet e fushës, dëmtuesit preferojnë të qëndrojnë aty më shumë se sa në fushën me kultivimin bio.